認識Venati真係機緣巧合，因為我同我未婚妻其實係諗住睇攝影，點知見到好多好hardsell嘅攝影公司，因為唔想俾人chur，所以臨時改變主意睇婚戒😂😂。Venati係我第一間睇，一開始感覺已經唔差，睇多幾間之後就決定去返Venati度傾。

其實最初覺得Venati好怪，因為好多婚戒公司都係叫你揀款先，但Venati係睇我哋手型先，仲會同我哋講一堆婚戒存在意義，都嚇左嚇😕最後揀Venati係因為由意大利造、同埋款式都算多，咁我自己就對意大利有情意結，又唔想大陸製造，所以就揀咗佢，再加上Venati嘅婚展設置幾靚幾eye-catching，都係一開始會行去睇佢哋嘅原因。

雖然Venati嘅價錢唔算特別平，比起其他公司係貴少少，但結果合乎預期，仲會教埋我哋點用戒指枕，好實用。Ricco喺serve我哋嘅時候都好好態度，佢哋仲好warm，因為Venati好突然同我哋講有得拎戒指，正常嚟講係要帶單去拎，我哋果陣無帶係身, 但因為嗰陣我哋就喺Venati尖沙咀公司附近、本身自己又住得遠, 但Venati都好靈活會俾我哋拎咗先，真係好好！Venati會睇手型先嘅做法，再加為顧客俾多啲設計上意見，都令我好滿意！😄

仲有, 係想去睇婚攝，咁Ricco都會俾啲建議公司我哋去傾，都幫咗我哋好多，呢啲位真係好加分！我自己覺得，如果你係重戒指質量嘅人，就可以考慮👍🏻

有一個位可以改就係，Venati都好重視對戒嘅概念，好多時都重覆講，其實都聽到有啲煩。😅