我覺得梁品製作既服務好好，做到我既要求，令我覺得佢地既product同service 都係 Taylor made。佢地服務態度好好，好有交帶。我好滿意佢地既設計，完全係照我意思去做。我係網上搵左啲素材俾佢地，佢地真係幫我整返出黎。🤩同埋過程中佢地好有耐性，幫我修改好多次設計。同事阿雪做野好有效率，每次都好快修改好設計。就算我要求修改好多細節，例如字型太潦我唔鍾意，阿雪都會係一兩日內改好曬同回覆我，做事又快又有交帶👍🏼👍🏼所以佢地辦事令我非常放心，big day當日我完全唔需要擔心佢地會唔有甩漏，師傅手工好唔好等等，亦都無搵兄弟姊妹睇住佢地整野。無論係花柱，backdrop 定證婚場地既佈置，出黎既效果同個design都係一樣架！😻我覺得佢地真係好好，但係美中不足既就係當日我完全唔得閒影低佈置既製成品，佢地又無幫我地影，所以就無一啲淨係佈置既製成品相片😿希望佢地記得幫其他新人影啦。不過值得一讚既係佢地真係好老實，會盡力幫我地做我地想要既設計出黎，唔會為左賺錢而係咁叫我地加錢買呢樣買個樣，反而會suggest我地按返自己budget 揀🤠，一啲都唔會hard sell。