我哋係喺去婚展嘅途中，經過某間酒店嘅時候，見到風華絕色有派單張而留意到佢哋嘅。😌 佢哋係香港同台灣都有分店，咁本身我哋都有諗過要去海外影結婚相，台灣相對比較近，我又想去陽明山影繡球花，佢哋又俾咗個好好嘅價錢我哋，所以就揀咗佢哋喇！😆 我覺得我哋好幸運，我諗每間攝影公司都應該會有好多個攝影師同化妝師，我相信未必個個都會係做得一樣好，但係咁啱幫我地影嘅攝影師同化妝師都非常之好。👍🏼👏🏼 而我哋喺台灣成個禮拜，日日都落雨🌧，只有一日係好天嘅，就係我哋影相嘅嗰日，所以影出嚟嘅相嘅效果都超級靚！😍😍