其實我當初漫無目的咁搵左好多間嘅,上網都睇到好多文章講Deco公司有幾伏,話會有唔應機,追犒唔覆嘅公司。但係Sole Wedding完全唔伏，一開始Facebook撳嚟撳去就搵到佢哋，逐個問下，而Sole Wedding係我搵左咁多間入面覆得最詳細同最有心嘅❤️，唔似其他咁覆得果一兩句。我係擺酒嘅地方個Stage同個Backdrop size係有D奇怪架，唔係一般嘅size，我又對Deco唔係好認識，所以都一路問Sole Wedding，佢哋都好耐心咁答我嘅問題，同埋覆得好快😄。出到黎見面都覺得佢唔chur我要加野嘅，佢都知道錢嘅係我地嘅concern，叫我哋覺得夠就唔洗再加，一啲都唔hard sell，我最後用左佢哋幫我整Backdrop，reception同相簿枱。佢都有事前有開個Whatsapp group，出圖會比好多個版本我睇😁。賓客都讚佢哋嘅Deco好靚，之後我聽返場地嘅同事話Sole Wedding既人好早已經黎左setup，但係果日我太忙冇見到佢哋，不過佢哋都令我好放心交比佢哋😆。其實我唔係好清楚行規出稿要幾耐，但係如果佢哋出稿快D就好啦。我諗鍾意簡單嘅新人，會岩Sole Wedding，作品好立體，好自然，用料都ok，價錢都算物超所值嘅，而且跟得足係最重要。👍