我對Je Promets Wedding真心不滿，要俾負評，因為佢哋真係超呃錢！😡我係婚展搵到佢哋，同佢哋簽約嗰陣話唔駛加錢嘅地方，係簽完約之後就係咁話要加錢。我同佢哋講contract冇寫，佢哋竟然話份contract寫錯咗，我到最後都唯有加俾佢哋。😔 我都明白我9月擺酒，7月中先搵到佢哋做姊妹裙，變咗短時間內係有好多嘢要夾，但都冇理由話contract寫錯㗎？😠仲要佢哋啲服務好差。最初話8月尾可以有裙試，點知後來又話趕唔切，要9月頭。🤦🏻u200d♀正常第一次試，都應該預咗有啲姊妹嘅裙可能要改，點知佢哋竟然唔肯改！仲同我啲姊妹講話條裙要著3寸高踭鞋先靚，又話我啲姊妹嗰日個個都會著高踭鞋。但其實我7個姊妹冇一個話要著高踭鞋，純粹係因為佢哋整長咗啲裙，唔想花時間去改就咁唔老實。😳