我覺得Jason Pang Gallery真係好盡責，幫左我好多。例如我地影pre wedding既時候無idea揀咩地方，佢地俾左好多suggestions 同埋sample我參考，仲會為左幫我影到一輯特別啲既結婚相而安排特別少少既地方俾我地，我覺得好開心😄。係影之前佢地都會好細心提我做facial，仲介紹左個化妝師俾我。影個日都好開心，上午好好天，下午係山頂影緊個陣突然陰天，Jason即刻加快進度，幫我地影曬最靚既位先走，我地一上車就即刻落大雨。隨後因為落雨所以Jason轉左帶我地去一間裝修好復古既cafe幫我地影，70年代風格既裝修好襯我既旗袍。所以真係好感恩🙌🏽，同時都好好彩Jason處變不驚，仲影到我想要既效果添。係cafe個陣Jason 叫我地拎起隻杯影張相，咁簡單自然既動作但係影出黎效果好好，我直程攞呢張做invitation card既封面，Jason真係好識得捕捉角度。👍🏼👍🏼同埋佢真係好有效率，個晚返到屋企已經好夜，大家都好攰，但係Jason竟然當晚每個location 既相都執左啲俾我😱，搞到我都有啲唔好意思，呢樣真係令我好難忘😳，知道我心大心細都好慷慨咁執好多相俾我。我地因為budget有限所以無請助手，Jason都無介意，肯幫我地頂埋助手呢個位，真係好nice。呢間真係誠意推介👍🏼👍🏼👍🏼