我哋係通過朋友認識到Agreable嘅，其他朋友有用過佢哋嘅service，口碑都好好。我哋都有諗過揀其他公司或者自己整啲回禮禮物，但最後揀咗Agreable係因為佢哋好多款式俾我哋選擇。我哋好鍾意佢哋嘅神品茶，因為係台灣購入嘅牌子，香港都比較少有得買。另外，佢哋都有幫我哋設計一個獨特嘅包裝，同手寫咗啲咭仔俾我哋，我自己都係做設計，都覺得整得好有心思❤️。最特別係佢哋present個產品嘅手法，就算我哋係無擺酒，佢哋都會跟返我哋嘅要求，用返我哋想用嘅相嚟做packaging，仲幫手pack埋我哋自己整嘅餅仔，再加埋啲乾花，令到成件事好warm好窩心🥰。總體嚟講我哋都好滿意，如果佢哋嚟緊可以有多啲產品賣就更加好喇。