我哋係朋友介紹認識Never Ending story嘅，之後比較過其他間公司都係覺得佢哋嘅deco最靚，所以最後就揀咗佢哋啦。開會嘅時候佢哋都好聽取我嘅意見，因為我花球淨係想要一枝花，佢哋就會努力幫我搵最靚嘅花，其他擺場地嘅花我就同佢哋講我想要嘅顏色同concept，佢哋都會幫我搞掂，溝通方面都好上心。所有decoration包括門口檯、檯面、檯花、背景、arch都係佢哋負責嘅，當日擺出嚟嘅效果都好靚，性價比好高👍🏻！我覺得鍾意藝術同後生啲感覺嘅新人就最適合佢哋啦，因為主理人本身都好有art sense又好好商量，我都好滿意佢哋嘅服務啊🥰。