我哋係去朋友婚禮嗰陣認識到梁品製作嘅，嗰陣見到佢哋嘅design覺得幾靚，之後去婚展都有搵佢哋再了解下。印象最深刻嘅係設計師阿雪自己出嚟介紹，同其他舖頭有啲唔一樣。但一開始我哋覺得佢哋嘅proposal比較貴，所以搵咗另一間公司。但用咗另一間之後就覺得佢哋嘅design麻麻地，態度都可以改善下...😑 所以我哋就直接撻咗嗰邊訂，再搵返阿雪。😂 好開心佢哋都願意俾discount我，可以match返我嘅budget，所以最後就搵佢哋整decor喇😆。

去到big day證婚、reception同ball room嘅decor都係佢哋負責嘅，佢哋條team朝早11點都已經去到現場準備，好有效率。做出嚟嘅效果同電腦圖好似。我哋主要係用whatsapp溝通嘅，佢哋覆得幾快，睇得出好上心🥰。我俾咗我想要嘅效果圖佢哋睇之後，佢哋就會俾啲顏色搭配嘅建議我。成個溝通過程好smooth，我唔需要擔心啲咩。如果佢哋嘅網站可以再加強啲宣傳，俾多啲人認識到佢哋就更加好喇! 當我喺新娘group度提起梁品嗰陣，大家都覺得佢嘅口碑係幾好嘅，但就真係偏貴咗啲。不過以佢哋嘅服務嚟講性價比都算高嘅，所以budget充裕少少嘅新人就啱搵佢哋喇👍🏻。