最初係因為我哋太趕所以book唔到原本想要嗰間攝影公司，之後見到My Memory Wedding Production嘅相都幾靚，咁啱佢哋又有期，所以就揀咗佢哋啦😊。我哋係用咗佢哋嘅pre-wedding，9月喺香港影外景同10月就去咗日本影。去日本影嘅行程都係佢哋plan嘅，都俾咗我哋意見要去邊度影咁，之後影嘅過程佢哋都跟得好足，好識得搞氣氛，又會教我哋擺pose👍🏻。佢哋package都有包埋個化妝師一齊去嘅，不過男仔gel頭同整理衫褲嗰度都可以再跟多少少。同埋佢哋影嘅相都會比較格式化啲，不過我收到啲相覺得影得都ok，只係同佢哋網站啲相嘅角度同pose差唔多。因為我覺得每對couple都係獨立嘅個體，如果可以影到啲專屬佢哋兩個人嘅style就更加好啦😆。我諗鍾意簡單自然風格嘅新人就會比較適合佢哋啦。😉