My Memory Wedding Production MMHK
4.6
香港旺角廣東道1155號日昇廣場 1303-04室
3422 3100

客戶評語

Keithlam
5
精選評語
服務 / 婚宴日期: 2019.11.08
我哋一開始係去婚展揀咗好多間嘅,random咁行到MyMemory個booth,掀開本template竟然見到係我個friend😳,就覺得啲相幾靚,之後我又發現結咗婚嘅朋友都有幫襯過佢哋,價錢都合理,咁就揀咗佢哋啦。我哋有個whatsappgroup聯絡嘅,如果有問題佢哋都會好快覆,communic...

我哋一開始係去婚展揀咗好多間嘅,random咁行到My Memory個booth,掀開本template竟然見到係我個friend😳,就覺得啲相幾靚,之後我又發現結咗婚嘅朋友都有幫襯過佢哋,價錢都合理,咁就揀咗佢哋啦。我哋有個whatsapp group聯絡嘅,如果有問題佢哋都會好快覆,communication都做得好好,同埋又唔會好hard sell,明碼實價俾我哋睇,唔會有隱藏式收費👍🏻。我哋由開始搞pre-wedding嘅時候,因為無咩經驗都會懶懶閒,但佢哋都會不斷提我哋,喺whatsapp提我哋差唔多係時候要去揀衫咁。我哋影pre-wedding都轉過日子,原本係12月影,但因為嗰陣我病得好犀利,所以就提出要轉日子,想精神啲想去影,佢哋都好樂意,同埋又俾到啲advice我哋揀邊日,平日去影就會少人啲,影出嚟都靚啲。咁我哋用咗佢哋嘅pre-wedding攝影同big day 2P1V嘅plan,佢哋個plan都好抵,pre-wedding包咗兩個地方,一次喺香港影一次去日本影櫻花,之後影完pre-wedding加多一萬蚊又可以影埋big day。喺香港嘅一日都可以揀半日喺studio半日出去影下夜景或者山景咁,都俾咗好多suggestion我哋。去到日本京都嗰度,佢又會搵晒啲checkpoint俾我哋,都會問我哋鍾意啲咩。但因為櫻花嘅花期都係差唔多一個禮拜到,佢哋都hold起兩個日子俾我哋揀,咁我哋都要諗揀中間定尾嗰個期。最後去到日本佢哋都包咗化妝師和有架車會車我哋周圍走,去到啲景點可能俾人擋到,或者有啲地方唔俾入咁,攝影師Oscar佢哋都儘量搵到啲地方影,影出嚟都好鬼靚🤩。同埋佢哋佢之前都做好咗research去邊度影好,又mon住個天氣app,咁就可以依照天氣去唔同地方影,都可以影到好天,planning都做得好好。因為如果book晒機票酒店去到啲地方影相,但唔好天嘅話影出嚟唔靚,就會嘥咗啲時間同心機啦😖,咁佢哋都好專業咁plan好避免咁嘅情況發生,我哋都唔洗擔心。同埋我請佢哋食lunch,佢哋仲諗住俾返錢我,因為無講過話要新郎哥請食lunch,真係好明碼實價,我都覺得好搞笑。我哋仲有影埋和服嘅,佢哋嗰度和服嘅collection都比較好,係上樓舖頭嚟嘅,租和服嘅價錢都好合理,都平過我之前喺其他地方租。幫我哋著衫嘅兩個婆婆都好有心機咁幫我哋整得好靚,成個過程係好開心嘅😆。Big day嗰日我哋都係用返同一team人影相啦,成個過程佢哋都好專業,成日嘅rundown都係佢哋砌出嚟嘅,直情幫我哋做埋wedding planner咁,計好晒啲時間,都好順利。之後佢哋當日就同我講返要做啲咩,organize好晒啲人排位同角度,我睇返早拍晚播嗰度佢哋拍嘅敬茶斟茶都做得好專業,同埋原本話九點幾先有條片,佢哋八點幾都已經搞掂,真係好快手👍🏻。我哋帶唔到龍鳳鈪,Oscar都即刻九秒九幫手帶到,都做咗好多extra嘅嘢。其實我爸爸年紀都比較大,坐都唔係坐得好穩,但係Oscar都就到啲角度影到我爸爸好精神,又會成日講啲嘢搞笑,令到個氣氛都好好多,啲人都會笑得自然啲,之後影相都真係捕捉到啲人嘅開心樣🥰。我哋11月8號big day完,16號嗰個禮拜就返咗大陸,因為想show啲相俾親戚睇,佢哋都好快手俾啲啲相我。整slideshow佢哋都係free俾我哋嘅,就係會配一首三至五分鐘嘅歌嘅,但我唔想一首歌去晒,就搵咗friend幫我cut咗幾首歌擺埋一齊,咁就男仔一首歌女仔一首歌一齊又一首歌咁,佢哋都幫我哋揀返啱嘅template擺返啲相落去,出到嚟成件事我都好滿意😊。因為佢哋真係做得太好太專業啦,bundle又送好多嘢,有油畫架、相框、相薄同poster等等,對比返其他friend我哋真係收到好多嘢啦,所以我就覺得佢哋性價比都好高,真係應該要加價,做咁多嘢真係收太少啦🤣。