我係喺婚展嗰度認識到Arlene Wedding嘅，嗰陣搵咗好多其他間婚攝公司都淨係包攝影，裙嗰啲就要加錢，但係Arlene Wedding嘅禮服係任租，無限話幾多件，價錢又合理，服務都好好，所以最後就揀咗佢哋啦😊。我用咗佢哋嘅Big day全日拍攝，租禮服同化妝嘅一條龍服務，我租咗一套婚紗再加五條裙，先生就租咗三套西裝。上到去溝通都舒服嘅，佢哋又可以俾到我好多衣服上嘅意見，例如呢件衫襯唔襯嗰個場地咁。化妝嗰度我哋都有上過去試妝嘅，化妝師都會俾好多意見我，分析我個樣唔啱太濃妝，後來出嚟個妝我都好滿意嘅。攝影師好識搞氣氛，會叫兄弟姊妹開心啲，氹佢哋笑下咁，大家都讚佢哋好nice🥰。因為聽過啲朋友話有啲攝影師會對啲兄弟姊妹唔太禮貌，但係佢哋呢個攝影團隊就唔會嘅😊。而且時間方面都控制得好好，朝早出門有好多親戚嚟咗，佢哋都會叫我哋拿拿聲，咁我哋最後都好順利完成到朝早要做嘅嘢。佢哋啲衫都好多好新嘅，所以一攞出嚟我都好鍾意，但可能因為我想要嘅style無咁多條，佢哋就唔係拎到好多俾我揀，如果佢哋可以有多啲衫嘅種類俾新人揀就更加好啦。如果有朋友問我都會介紹Arlene Wedding俾佢哋啊，唔同類型嘅新人都會適合，因為佢可以帶動到全場同新人嘅情緒👍🏻。