我就喺Carmine Wedding Dress & Suit嗰度租咗套西裝喺big day著，其實我本身都有西裝嘅，但想租多套，咁啱因為身邊都好多朋友結婚，咁佢哋都話Carmine唔錯叫我上去睇下，所以就上咗去佢哋嗰度睇啦😄。佢哋係喺觀塘一間工廈入面嘅，環境大細都適中，我都明白香港嚟講都比較難有個好大嘅地方俾人租衫，咁我作為客人就自己儘量就返啲無咁多人嘅時間上去，就唔會太逼啦。佢哋嘅款式都好多，顏色選擇都多，有啲韓風嘅會適合瘦啲嘅男仔，咁我比較大件啲嘅就著返啲歐美啲嘅，都中規中矩。佢哋都會按客人嘅需要建議返啲風格，唔得嘅話佢哋都會拎iPad俾我哋睇其他現場無嘅款，因為佢哋大陸都有廠嘅，就可以喺大陸廠拎返嗰款過嚟，再約時間上去試。嗰度有幾個更衣室，可以俾我哋啲獨立空間試衫，但因為成間舖頭都係女仔staff，所以男仔都係要自己試㗎啦😅。雖然話係租嘅西裝但佢哋可以做到度身訂做咁嘅效果租俾我👍🏻，之後又有俾啲專業客觀意見，話我個樣都襯bow tie，之後就拎咗十零廿款出嚟俾我試，出嚟嘅效果都幾喜出望外，屋企人都鍾意，所以就喺佢哋嗰度買埋bow tie啦😊。佢哋嘅西裝可以租都可以買，價錢都合理嘅，因為出面買一套西裝都要五千幾蚊，租一套啱自己心水又唔洗擺喺屋企佔地方都幾好。而且佢哋嘅效率都好快嘅，租衫還衫嘅過程都好方便。同埋因為呢排交通唔方便，我原本係要星期日還嘅，佢哋都可以俾我遲一兩日還，咁樣彈性處理都好好，感覺好窩心🥰。再有朋友結婚搵唔到西裝嘅話我都會介紹俾佢哋，因為佢嗰度都好方便嘅，同埋佢哋顏色好多又會比較修身，都會適合前衛啲嘅新人。