雖然我地擺酒個度本身都有包飲品，但係我地想自己係出面買酒，覺得係出面搵會多啲選擇，所以就係婚展搵咗Oakey Dokey Wine Shop & Bar,買咗佢哋既紅酒服務。佢哋係婚展擺咗啲酒出黎俾我地試，我同老公試完覺得幾好所以就決定係佢哋。我覺得佢地既package好抵，酒既質素好唔錯，好得體同多款揀。我地想要比較大眾化口味，易入口既酒，佢地既職員就同我地分析邊啲牌子既特色係咩，同埋邊啲適合我地，幫到我地去揀要咩酒，我地試完都好滿意😆。佢地嗰陣做緊既promotion係幫襯某個金額就會送個wine tasting booth係我地係擺酒既場地，同埋入席前兩個鐘會有佢地既職員為賓客介紹同試酒。當日啲賓客都好鍾意個紅酒booth,我係新娘房個陣已經聽到啲朋友親戚係出面試酒試到好興奮🤩，氣氛好好，大家都覺得好開心🥳