我哋本身已經去咗海外影輯婚紗相嘅，但係我貪心想影多輯，我老公又唔想去咁遠嘅地方，想揀返啲近香港嘅公司，但係我又想要韓風啲嘅。之後上網睇左發現好多靚啲嘅都係要去到韓國影，咁啱見到S.A Wedding喺香港同廣州有studio，又有一兩個舊同事都係喺呢間影婚紗相，佢哋就係去韓國影嘅，所以覺得呢間公司出嚟嘅成品質素都唔錯😍。有時自己上網睇都唔知邊啲係真嘅留言，有朋友親身用過我就覺得信心會大啲啦。之後去了解嘅時候嗰度嘅同事介紹得好好，又俾啲場景我哋睇先，可以揀鍾意嘅場景，而我鍾意嘅場景喺廣州studio，覺得去廣州都幾方便，影出嚟嘅效果都係韓風，同埋全部嘅攝影師同化妝師都係韓國人，會比較有信心，所以最後就揀咗佢哋啦😆。廣州影相嘅時候，影一段長時間，我需要去洗手間，但啲婚紗重嘅，又大大件咁，有個全程跟著我嘅同事都好好，會主動提出幫我整起條裙，又唔會介意，真係好helpful😊。仲有翻譯都好細心，會問清楚我想要咩再翻譯俾啲韓國嘅化妝師同攝影師，佢哋又會好好咁做到我哋嘅要求。最後包埋化妝set頭就影咗五六個鐘咁，好快手啊👍🏻。