我係上網睇到My Day嘅，見到佢哋個場嘅裝潢同顏色都係我鍾意嘅style，之後上去睇場見到佢哋嘅落地玻璃都可以透到啲陽光，咁啱我哋係擺晏晝，就覺得呢個地方都幾好，所以就揀咗佢哋啦😆。Tammy係負責我哋嘅婚宴嘅consultant，服務性行業都容易見到人黑面，但係佢笑容好好，會令到我哋好舒服。結婚嗰陣通常都好忙又會有好多嘢唔識，有咩問題問Tammy佢都會好願意答我同解決到我嘅問題，我都可以好安心交晒啲嘢俾佢啦🥰。我哋就喺佢哋嗰度室外嘅一個平台證婚，因為9月係雨季，證婚嘅時候都有啲毛毛雨，但係唔洗擔遮都ok嘅。佢哋都有同我哋傾過落雨嘅話證婚就可以搬返入室內進行，但係我哋都係鍾意喺室外多啲，因為個證婚場都好靚。好彩最後天氣都ok，可以完成到喺室外證婚😇。當日有位bridal assistant 貼身跟住我嘅，會幫我整下裙擺抹下汗咁。我擺酒嗰陣9月都仲係夏天，證完婚影相係勁猛太陽嘅，佢都會幫我印下汗。我見到佢其實都好熱，啲汗珠滴晒出嚟，但佢都照顧咗我先，又唔會抱怨好攰好熱，真係幾感動🥰。不過唔知係咪因為我揀晏晝擺buffet，時間就得三個鐘，但證婚都用咗成個鐘，如果佢哋都有長少少嘅session就更加好啦🥳。