我係之前見到人哋喺Sky100擺嘅cocktail party，睇相已經覺得個景同場地都好靚😍，之後就自己上網聯絡佢哋，約時間上去睇喇。睇完都覺得好特別，喺100層好似空中婚禮咁，朋友又可以上嚟睇景參觀。😎 另外一個好大嘅原因揀Sky100就係因為嗰度有足夠嘅陽光，但又係一個室內嘅位置，咁我就唔洗擔心落雨，所以最後就決定喺佢哋嗰度做證婚喇😙。我哋最後請咗100人，價錢唔算超抵但係都係合理嘅，因為都包埋Sky100嘅門票。

係介紹嘅過程中，佢哋解釋得好清楚。不過佢哋嘅場地同嘢食係分開嘅，所以係嘢食方面就要再選擇多次喇。佢哋真係好專業，啲嘢follow up得好好，當日場地嘅set-up係同我哋想像中一模一樣，亦都好盡力喺最早嘅時間俾個場我哋準備，咁我哋都會安心啲🥰。

佢哋有安排一個姐姐阿菲全程跟住我，上台落台同影相嘅時候會幫我整裙，又會攞嘢食同水俾我哋，好貼心咁照顧我哋，好做到嘢👍🏻。

賓客方面佢哋都安排得好好，賓客都讚個場好靚。可惜嗰日大霧加落雨，所以無景睇。不過啲雲就做咗我哋影相嘅背景咁，成個場變到好白好夢幻，都係個好特別嘅體驗😇。好彩我哋係喺室內，所以個婚禮都唔會受到啲雨影響。其實我好想再去多次，因為big day嗰日嘅景俾雲遮住晒，有啲遺憾。

我會介紹Sky100俾其他新人，因為呢個場地真係好特別，個景又靚，如果唔想要太傳統、而係要輕鬆啲嘅婚禮嘅新人就啱搵佢哋喇🥳。