我一開始係上網搵租西裝嘅公司，睇咗budget同啲款，格價之後覺得Carmine Wedding性價比最高，同埋最緊要係同新娘條裙嘅舖頭喺同一區，拎衫還衫都比較方便，所以就喺佢哋度買咗我同兄弟嘅西裝啦🤓。佢哋嘅環境乾淨，人比較多，我無預約直接上去都ok，佢哋都有足夠人手serve啲客。同埋佢哋嘅西裝要買嘅，如果要度身就要加多八百蚊。我嘅兄弟衫都係嗰度買埋，有個兄弟比較肥嘅就要度身訂做啦。我覺得佢哋嘅價錢做到呢個水平已經好好，物超所值啦👍🏻。