我本身好鍾意影相，所以對構圖嗰啲都有啲認識，之後又做過其他人婚禮嘅姊妹，接觸過其他公司都覺得影得會生硬少少。之後上婚享會見到Jason Pang嘅風格我就已經好鍾意啦😍，同佢溝通嘅時候佢都好客氣，我哋想要咩佢都會配合，唔會好刻意咁要求我哋要做咩咁，呢樣嘢就好舒服啦。

我哋係用whatsapp聯絡嘅，Jason都好有交帶覆得好快，我俾咗deposit之後好快就約到個期影相，所有嘢都好俐落好有效率👍🏻。我唔鍾意執相過度嘅，鍾意自然啲。因為我自己試過去外地影結婚相，就係搵返當地嘅攝影師，佢哋係崇尚自然啲，就喺個位攞景之後我哋擺咩pose都得，Jason都係類似呢個風格嘅，我擺咩pose佢就會就住我去影，我都好鍾意😊。

佢big day前一日會同我拎返出門房number嗰啲detail，拍攝好熟手好快，又好準時嚟到，唔會overrun。去到big day嗰日，Jason係one man band嚟幫我影相嘅，佢好貼心，見到我老爺條呔好短仲會幫我老爺打呔，真係好好笑🤣。我嫲嫲90歲，佢見到嫲嫲又會讚佢精靈，都會有啲互動，雖然佢說話唔多但真的好nice好識搞氣氛，我先生都話雖然佢講嘢慢但係都好有耐性講得好清楚嘅，所以大家都感覺好舒服啦。

同埋我好鍾意佢用自然光，嗰日喺出門房係無set燈嘅，我真係未見過攝影師喺房唔set燈，但係最後我哋收返啲相都真係好夠光🤩。我又唔會影得好辛苦，真係好好。我哋big day嘅流程唔算複雜嘅，我同啲朋友social緊，就叫Jason食飯先，點知就算我無要求佢過嚟，佢都好貼心跟住我，隻眼都無離開過我。

或者佢可以考慮搵多個助手啦，咁會無咁辛苦，不過我自己嘅budget都有限，所以唔係好請得起其他人，就淨係請咗佢一個人。佢真係好好人，又都交足功課俾我🥰。如果有朋友有需要搵攝影嘅話我都會介紹Jason俾佢哋啊，鍾意自然風格自然光同無咁傳統嘅新人都會好適合。

因為我同先生都係比較鬼仔鬼妹性格，但係傳統嘅話佢都做到，我都好surprised，佢會同我嫲嫲都會講兩句，會照顧一下老人家，都做咗啲extra嘢。攝影師自己一個要拎咁重嘅器材，我都明白，所以已經好好㗎啦。我本身都接觸過太多攝影師，佢哋講嘢都會好公式化，咩靚仔過劉德華咁，但係Jason就唔會咁浮誇嘅，有嗰句都講嗰句，聽落去都舒服啲啦😊。