我真係好滿意Bonne Mariee設計既婚紗，佢係韓國設計師，全部設計都係出至佢手，無論係我試個陣，定係出到黎既效果都真係好好😍。我上去試裙個陣佢地會幫我set頭，比我睇效果。佢地款式雖然唔多，但係佢地既婚紗最特別既地方係可以一條多著。即係租一條裙佢地會借埋件外搭比你，可以變唔同造型。但係佢地價錢唔平，有啲款可以去到$10000一條。我幫襯既時候咁啱係佢地開業兩週年，有promotion,所以我最後係佢地度租左兩件白色婚紗。店員既態度都非常之好，我身型係高同有啲肉地，佢會因應我身材幫我揀到適合我既婚紗。我係租婚紗之前完全無諗過自己著得到mermaid婚紗，因為我patpat 比較大。但係我最後係佢地度租既兩條都係mermaid, cutting 好好睇，凸顯到身材既曲線🤩，唔會好似水桶咁。可能因為我比較肥😅，所以之前試過4，5間婚紗店都搵唔到啱心水既款，Bonne Mariee 係款式上都比較多選擇，好似我咁既身型既女仔可以去試下👍🏼