我係機緣巧合下認識到Neo Music嘅，上年3月去婚展join咗個package，就係場地同live music，我一開始都無諗住搵live music嘅，但係佢哋包咗就sign up埋。之後我去睇咗個場地都唔係好鍾意，但係想退又退唔到，所以就帶埋佢哋一隊有四個表演者嘅live band去我依家嗰個場地啦😊。

一開始我就喺佢哋嘅網站揀返想要邊個歌手先，每個歌手都會有個歌list嘅。我都有參考下其他歌list，再加返啲自己鍾意嘅歌，佢哋都可以配合到我，最後去到婚期前一個月都finalize啲嘢啦。溝通過程我哋係用whatsapp嘅，佢哋都好nice好有禮貌。不過我喺大半年前搵佢哋，佢哋可能忙緊其他performance就唔係好responsive，近啲再搵佢佢哋都好responsive好helpful㗎啦🤓。

Big day嗰日佢哋著嘅衫都有提前問我想要咩色同點襯，好貼心。我哋婚禮係比較西式嘅，食完飯啲賓客都會出去跳舞，有隊live band喺度都特別帶動到現場氣氛，賓客都跳到開心到唔肯走🥳。大家都對佢哋嘅表演好impressed，大讚佢哋專業。當晚都有朋友即刻問咗隊band，我都已經介紹咗俾佢哋啦。甚至係場地嘅負責人都好欣賞佢哋，都有問我拎佢哋嘅聯絡方式😝。

同埋佢哋都好easy-going，big day嘅payment佢都唔會特別追我哋俾，我比較忙要遲幾日先過到數俾佢，佢哋都唔介意🥰。不過通常啲人一book又係book好耐之後，佢哋又比較忙，就會無乜時間覆嘢，如果溝通前期可以搵返個admin幫佢哋處理就更加好啦。我覺得年輕啲嘅新人就好適合搵Neo Music啦，因為就咁坐喺度都好悶，有啲歌聽都開心同好玩啲啦😆。