我咁啱搵到Once and Forever嘅Facebook，見到佢哋嘅妝好自然，係我嘅風格，所以就諗住試下啦😆。之後上咗去佢哋度試妝，我係俾化妝師Vivienne自己發揮嘅，佢會幫我分析我適合咩妝容，因為我上咗去兩次，佢都會主動嘗試下唔同風格，最後就一共試咗兩個妝。

化出嚟嘅妝我好滿意啊，自然之餘又support到大機過嘅效果，出去影外影都唔會唔舒服，keep到好耐，由中午到夜晚都keep到😙。我接觸過啲好cool嘅化妝師，但係Vivienne好細心好溫柔，佢會根據我個樣去睇適合咩妝容，度身訂做咁，唔會一式一樣，我big day都諗住再搵佢幫我化😍。

Pre-wedding嗰日因為我條裙太薄，就會有少少露咗個型出嚟，Vivienne就即刻撲去幫我搵啲無痕褲，佢附近嘅會偏貴，佢都特登行多條街買條抵啲嘅俾我，呢樣嘢係化妝之外嘅嘢，真係好好啊🥰。

我覺得任何風格嘅新人都可以搵Once and Forever，佢哋價錢好合理，同埋試妝嗰陣日韓妝同歐美妝Vivienne都可以化到，對化妝好有熱誠，好有耐性咁幫我化，想呈現到好啲嘅效果👍🏻。