香港海洋公園
Ocean Park Hong Kong
4.7

客戶評語

Nicholas
5
精選評語
服務 / 婚宴日期: 2020.03.14
我哋係行婚展見到海洋公園嘅婚宴場地嘅,我老婆鍾意海洋公園,跟住聽埋佢哋介紹個package,覺得好滿意,但係就有個人數嘅問題,因為個場地容納嘅人比較少,所以我哋就分咗兩場咁擺,擺咗西式嘅lunch同中式晚宴😊。 佢哋同事介紹得好詳盡,會寫埋喺張紙度好清晰咁講俾我哋聽,咁我哋返到去就可以group其他...

我哋係行婚展見到海洋公園嘅婚宴場地嘅,我老婆鍾意海洋公園,跟住聽埋佢哋介紹個package,覺得好滿意,但係就有個人數嘅問題,因為個場地容納嘅人比較少,所以我哋就分咗兩場咁擺,擺咗西式嘅lunch同中式晚宴😊。

佢哋同事介紹得好詳盡,會寫埋喺張紙度好清晰咁講俾我哋聽,咁我哋返到去就可以group其他嘅餐廳一齊睇嚟比較。之後我哋去咗海洋公園嘅中西餐廳睇場,一次睇場另外一次就試音樂。睇場嘅時候就已經覺得個場好靚,中式婚宴場地嘅燈光幾好😍。因為近排有疫情,我哋喺婚期前一個月問戴小姐會有咩措施,戴小姐就一五一十咁講返樂園會有咩預防設備,我哋就會同佢講埋我哋想要嘅嘢,佢哋就可以一一解決😇。

個場地可以預到100幾人,原來我哋請咗100人,但最後可能70人可以嚟到,所以我哋就改12人一圍做6人一圍,就唔坐得咁密啦。海洋公園嗰邊由始至終都好貼心,首先啲賓客入到嚟就要量體溫,跟住中間就有啲搓手液俾我哋,上菜嘅時候就會冚埋啲嘢食之後去到人客面前先打開,同埋會逐個逐個咁分菜,分好菜先上碟👍🏻。

我太太通常喺個新娠房化妝,都有準備啲嘢食嘢飲俾佢,咁化妝嘅同時都可以食到嘢啦。賓客都讚個場地好靚,自由度好大,同埋吉祥物都有出嚟,啲小朋友都好開心啊😆。

不過可能因為疫情影響,啲賓客就要去到臨尾一兩個星期先定到出唔出席,我哋就臨尾一個星期先俾到人數同座位表,但係我哋無時間定seating plan,如果海洋公園可以有呢個服務就方便好多啦,就算加錢都無問題,新人都唔洗咁擔心。似我哋咁年青嘅新人就會適合海洋公園啦,因為佢哋價錢合理,同埋比較新穎,婚禮就可以特別啲啦🥳。