我上網搵出租水晶褂既公司，發現鴻運繡莊有最多款式選擇，所以就揀左呢間。店員好細心，俾左好多款我地揀同埋試。有次我上去試個陣店員留意到我件衫污糟左，竟然主動幫我清潔，令我好surprise🤩我老公都有租馬褂，佢鍾意上面既繡線，同埋覺得件褂既款式比出面其他公司特別，但款式可以再多啲。我自己就揀左一件水晶褂后，上面既圖案係金魚款式。我開頭無揀褂后款，不過最後都係俾褂后吸引左，所以就由水晶五福金魚轉左水晶五彩褂后金魚。我一黎鍾意金魚款，二黎咁啱我係第一個著呢套褂后既人，即係頭褂😍，所以就租左呢套。件褂既裙腳、領口、手袖位都有水晶，我覺得好靚🥰，又好舒服好易著。但佢地大多數既褂款都係花，比較少龍鳳同金魚款，如果多啲就更加好～