Bauhinia Wedding Shop係婚禮統籌公司，但我係婚展俾佢地既裙吸引左所以join左佢地租衫既plan，之後都決定用埋佢地做Big day攝影 2P2V 既plan同請埋化妝師。

Package 仲包埋即日派相俾賓客添。租衫方面，confirm之後仲可以任試任換，睇中咩款想試只要同同事預約返就可以上去試。佢地既婚紗好多款式，晚裝既款有幾條都幾特別又襯我😄。而且經理Ada好好人，有時啲裙望落去同試上身係兩回事，Ada就會同我分析，俾意見我。但係其他店員既服務就可以再提升下，我覺得佢地無出面個啲咁專業，有時我要自己幫自己著裙。外影通常都係著婚紗，但我係呢間租左件黑紅色既裙外影，出到黎既效果我好滿意👍🏼。除左自己既裙之外，男家、姊妹裙、被肩我都係呢度租埋，唔知係咪因為租左太多衫，我有時叫佢地幫手改少少野佢地會唔記得左，最後無改到，不過租左十幾件整體都新淨同滿意既😁。