朋友介紹Starry Bridal俾我地，所以就搵左佢地租衫、做場地佈置、過大禮、化妝、攝影，一次過搞掂。最欣賞嘅地方係佢地好老實，咩都有商有量，之前幫襯過其他公司都有隱藏收費，啲野又交代得唔清唔楚，Starry Bridal就唔會出現呢啲情況，仲俾左好多discount我地。佢地有好多野都唔計較，唔會下下話呢樣加錢個樣加錢，仲會幫我地諗埋點樣慳錢，例如過大禮時幫我地安排基本既套裝，有椰子、囍字裝飾等等，無山珍海味咁貴，但又營造到喜慶、隆重嘅氣氛。另外，老闆、員工都好親力親為幫我地，試衫個陣俾我地試好多件都無問題，老闆仲親自車過大禮既用品俾我地。Big day當日老闆親自嚟我地婚禮，睇下有咩需要幫手，跟得好足👍🏼

化妝師都跟得好足，我地一晚要換3、4套衫，有時兄弟又會玩到忘曬形，化妝師都會幫我地跟緊啲時間😂攝影團隊幾有心機，識得搞氣氛，唔會當交功課。我要求佢地拍攝一條當日我同朋友互動嘅片段，夜晚播出黎多謝我嘅朋友。我知道呢個要求有啲麻煩，因為佢地要特登捕捉我同朋友嘅畫面，即日剪條片出嚟，但佢地做到我要求之餘仲無額外收我錢。 場地佈置方面，我地要求簡單佈置，佢地就幫我地用布藝裝飾，出到黎效果都係滿意👍🏼但係佢地人手比較少，做嘢會比較踢腳，所以檔期會少啲選擇，容易full，事前要同佢地夾好啲時間。不過無論化妝師，場地佈置，佢地成個團隊全部都好準時。