一開始我無諗過要幫襯Monalisa, 但係幫襯完就發覺比想像中好太多，由揀婚紗去到拍攝、揀相我都好滿意🤩。

佢地既同事好有耐性，我成日都打電話問呢樣問個樣，佢地都好有耐性同專業咁答我。負責我地既Suki跟進得好好，我地因為疫情，婚禮可能會延期唔止一次，Suki都好樂意幫我地處理，呢點我老公都好appreciate👍🏼。

Pre-wedding既化妝師我又係好滿意，一開頭我擔心個妝會好老套，但係最後個妝連我老公同工人都好滿意。

攝影哥哥嘉豪好專業，全程都教曬我地點擺pose。我本身唔係好識笑既人，但係成個過程都覺得好relax。我地帶埋狗狗去影相，攝影哥哥都識得捕捉佢既神情，我屋企人睇完都覺得好滿意。嘉豪係好後生既攝影師，我地完全估唔到佢可以影得咁好咁專業，輯相真係好滿意🥳。尤其係我本身唔識笑佢都將我影得好好。我地個日由朝早10點幾影到夜晚7、8點，佢都無表現到好攰，夜晚仲教緊我地點樣擺pose。有時係我地覺得影夠😂，但係嘉豪都會堅持幫我地影到最好，希望我地揀到多啲靚相。

幫我地揀衫既阿Ling又係俾左好多意見我，我有啲位置想遮住，佢好清楚我既要求，唔洗我解釋已經攞到我鍾意既款，同埋佢又係好有耐性。雖然我係有加錢upgrade啲裙，但係純粹係因為我自己鍾意保守既款多啲，Monalisa 既同事完全無push過我去upgrade🤪。

Monalisa真係全部同事都好好，我之後都有同朋友講返，其實婚展搵既公司無想像中咁差😝。