我地搵左Sweet Wedding幫我地係酒店場地佈置。本身我打算用返酒店既佈置，但係太太睇過Sweet Wedding既作品之後，鍾意佢地既款多啲，所以我地就去左佢地公司傾喇。Sweet Wedding提供好多唔同佈置款式同風格既選擇，價錢亦合理。設計師阿Wing 按足我地要求設計，工作態度唔錯。最後出黎既效果係唔錯既，簡簡單單，做到我地要求😬😬。同埋佢地同酒店合作開，經驗豐富，所以時間配合得好好。Sweet Wedding係酒店一交場就開始佈置，我地5點幾到達已經佈置好👍🏼。