揀My Dream Wedding九成原因都係睇中左佢地其中一位攝影師嘅作品。幫我地開單嗰位同事Angel好好，佢解釋得好清楚。如果唔係佢當初婚展時留低我哋，我諗我哋係會走嘅。後尾因為我哋睇中咗佢一個攝影師叫阿朱，指定佢幫我哋影相。Angel好快幫我地安排到，所以我地先留低😊。

鍾意呢個攝影師其實係講feel，純粹覺得佢影相嘅feel幾啱心意😆。因為我唔係純粹想影啲花花草草嘅嘢，相反我係想影啲比較生活小品嘅嘢，所以我堅持係香港影，再加上攝影師有一啲自己捕捉鏡頭嘅觸覺。拍攝嘅時候大家嘅相處方式好自然。我唔希望佢當我地完全係客戶咁嘅形式serve我地，反而係希望佢了解到我地嘅性格而去幫我地影呢輯相。

我覺得Angel好大功勞，因為佢落單嘅時候已經了解到我地好多嘢😇。繼而我覺得個化妝師都好好啊。我本身有擔心話prewedding嘅化妝師好求其，我地嘅化妝師叫比比，我地一開始係冇指定化妝師，相信Angel開呢張單嘅時候好明確地知道我地想要啲咩，所以比咗啲指示佢地做，化出嚟嘅妝我好滿意啊😙。

我會好在意氣氛嗰啲，影相一日影八個鐘十個鐘，個人冇辦法笑得好自然，但係佢地令我覺得成個環境好舒服👍🏻。So far佢地完成得好好，所以呢個team我好滿意啊🥰。

我地影相嗰日係上山下海咁濟，我地上大帽山，之後落去下白泥，啲時間要catch得好準。過程中我地等一杯珍珠奶茶等咗成半個鐘，其實幾影響個行程😣，但佢地都冇咩怨言，最後有做晒所有嘢。

最Special可以一讚嘅係，喺我間舖頭到影嗰啲相其實係最令我surprise嘅🤩。因為我自己有開一間shop，但係間shop係偏細。所以我地係上山下海，仲要去埋個舖頭，商場又比較窄。佢地從來冇黎過個舖頭，係個咁陌生嘅地方，仲要咁窄，但係都完成得好好🥺。 我覺得可以介紹呢間公司比朋友啊。我知佢地有好多個風格，佢地會同我地溝通想要啲咩風格，而唔係佢覺得嗰樣嘢啱就啱，反而會聽我地想要啲咩多啲。無得話佢係行死咩風格，總之佢地會切合到我想要嘅嘢🥳。