ABc Flower Workshop
4.8

客戶評語

lillianlam
5
精選評語
服務 / 婚宴日期: 2020.03.01
我開頭係上網search吓花球,喺我主力搵緊自己鍾意嘅鮮花球嘅時候,喺ig嗰度見到啲sponsorad,就睇到ABcFlowerWorkshop令我好印象深刻。佢可以tailormade唔同花球,係寫到連嗰啲姊妹嘅花球都可以tailormade😍。雖然啲花球都大同小異,但我都想有唔同嘅花tone,a...

我開頭係上網search吓花球,喺我主力搵緊自己鍾意嘅鮮花球嘅時候,喺ig嗰度見到啲sponsor ad,就睇到ABc Flower Workshop令我好印象深刻。佢可以tailor made唔同花球,係寫到連嗰啲姊妹嘅花球都可以tailor made😍。雖然啲花球都大同小異,但我都想有唔同嘅花tone, align嘅花款,就覺得佢哋呢樣嘢幾好,所以就同佢地聯絡吓先。

然後我有透過ig啲相片睇返之前啲reference,覺得有啲style幾啱我,就問埋可唔可以多少少自己嘅preference,佢地都話可以cater到。同埋佢地個package價錢幾reasonable,但係我都仲未confirm,因為咁啱話會有個婚展,而我地本身都打算去,就想再望望先confirm。咁之後去到同佢地face to face了解咗,就喺個婚展場地度confirm咗啦😆。

我地婚展之前係未見過面嘅,全部都係用whatsapp聯絡。當初同ABc confirm嘅時候我未決定要邊啲花住嘅,因為時間尚早,而且我連衫都未揀。但係越黎越近嘅時候,我到影prewedding嘅時候,整prewedding用嘅花球,嗰時就開始話要邊啲球型啊,啲花係點樣啊咁。去到早一個月前,即係八月到,我地先detail去傾個requirement。因為之前未有個方向,但係覺得個style係ok。到鮮花球嘅時候,佢都有大概講返係咩type,講返個顏色系列啊各樣,咁就好快決定要exactly要點樣做啦🤓。

我本身有兩個鮮花球。紅色就一定有架啦,因為要符合返個新娘。我嗰個係符合返我expect嘅各個要求。同埋其他人見到都係襯晒咁,好好啊。我自己就比較鍾意另外一隻黃色嘅花球,因為我本身鍾意黃色。但係黃色就好睇點襯啦,可能要多少少唔同嘅配搭先好睇,佢地整出黎個效果好靚,我最後帶返屋企都擺咗一個禮拜🥰。

佢地一直有跟進返我3月1號婚期個情況,因為嗰陣時有個疫情嘅breakout。咁佢地都有安排,然後再mark返,好proactive,我覺得好好啊👍🏻。另外佢都有了解返我big day嗰日點安排,之後因應個安排去分開個包裝,尤其是花球好睇個包法,包得唔好就會亂咗。所以除左個花球之外,佢地係service方面我都覺得好positive。

不過我係拎花嘅時候都有少少嘅體會,就係如果個packing好啲嘅話就會更加好啦🙈。因為我啲花比較多,擺係車度擺唔晒就擺係車底,但係有時候唔覺意chok一chok啲水就會飛出黎,不過都唔係啲咩大問題啦。

我覺得佢地嘅性價比好高,花球影出黎嘅效果都好好。當然最重要係個花球啦,但係佢地order方面大大小小嘅事項加上後尾加返嘅花車佈置package,個價錢好合理同埋值得😆,我睇過其他間都冇呢個combination,就算有都會out of呢個price,同埋個選擇冇咁多。In case有朋友有需要,我都會recommend ABc Flower Workshop比佢地啊。我自己冇乜preference要邊一種花,但係有中意嘅顏色同大小,佢地都儘量去整。或者我唔中意啲嘢突晒出黎,佢又會幫我整少啲呢啲嘢咁。我覺得咁樣對我黎講已經足夠,所以可以好安心交比佢地設計啦🥳。

多謝Lillian嘅評價😍見到你鍾意個花球, 仲拎左返屋企放左一個禮拜, 我真係好surprise😆真係唔好意思, 我會改善一下package上嘅問題🙇祝你哋幸福快樂!😊