MY DREAM WEDDING
4.3
香港九龍塘窩打老道159號
總店:2312 1908 分店:2377 0612 Whatsapp:6395 0121

客戶評語

Mandy
4.5
精選評語
服務 / 婚宴日期: 2019.12.15
其實我地搵pre-wedding冇話搜尋好多資料嘅。我地去婚展,當時sell我嗰位同事後尾係一路跟住我去咗巴黎,同埋係我結婚嗰日幫我化妝嘅嗰位化妝師黎嘅。我覺得佢sell我嘅時候好誠懇,個態度令我覺得佢唔係一個好計較嘅人,令我覺得佢係一個真心、幫到你就會幫你嘅人☺️。態度又十分良好,令我好有信心😇!...

其實我地搵pre-wedding冇話搜尋好多資料嘅。我地去婚展,當時sell我嗰位同事後尾係一路跟住我去咗巴黎,同埋係我結婚嗰日幫我化妝嘅嗰位化妝師黎嘅。我覺得佢sell我嘅時候好誠懇,個態度令我覺得佢唔係一個好計較嘅人,令我覺得佢係一個真心、幫到你就會幫你嘅人。態度又十分良好,令我好有信心😇!佢又承諾咗我一定係會佢會幫我做返成個過程,包括個化妝服務。

香港,巴黎同big day係三組crew,但係佢地安排嘅時間銜接各樣係ok。喺香港影嗰日,佢地知道我拍完外景會肚餓,會幫我叫埋外賣,等我一返到去studio就有嘢食,呢啲小嘅位置覺得安排得好好🥰

至於巴黎嗰日,係由頭到尾影足一日,感覺佢地好專業,會好清楚幾多點要去到邊啲位置、影出黎嗰啲相啊效果啊之類,因為外國比較多外景。影相嗰陣基本上都係跟佢地指示做就得。佢地安排我地點樣做我地就跟住做,最後出到黎個結果我地都好滿意啊😍

Big Daycrew好專業,會預先問我地攞個rundown黎睇,又識得睇唔同情況去處理。佢地會幫手做time management, 例如我開場march in個時間啊,咁嗰度我就睇到佢地會幫我地攞返緊啲咁樣👍🏻

我覺得最值得選擇佢地嘅其實就係化妝師Irene🥰。其實好多嘢未必關化妝部門事,但係我地如果有咩事問佢搵佢,基本上佢都會即刻幫我地處理到。全部嘢一有問題基本上我地就會搵Irene,佢就會好快幫我地處理。

我感覺佢地出到黎嘅效果同成品係好standard嘅香港,係影出黎大家都會好滿意嗰種。不過我覺得佢地可以試下啲唔同嘅style或者啲新嘅地方,可能係濕地公園啊,香港嗰啲海岸公園之類,好多年輕嘅夫婦係會喜歡嘗試嗰啲景😝

我會介紹佢地比附近差唔多年紀要結婚嘅朋友。適合嘅類型我諗係同我地差唔多咁,隨意啲嘅,希望係一站式服務嘅。My Dream Wedding一個package包化妝攝影連埋租衫,基本上係一套過連埋褂啦婚紗啦,先生嘅禮服啦,我嘅禮服啦,甚至乎連埋我奶奶媽咪嘅禮服啦其實都可以喺My Dream Weddingpackage度一站式搞掂晒👍🏻

多謝Mandy嘅評語😍好多謝你俾機會我哋全程參與你哋嘅人生大事😆祝你哋新婚快樂!