S.A. Wedding
4.6
香港觀塘Workshop No.U, 12/F, Camelpaint Building, Block 3, No.60, Hoi Yuen Road
2543 8826

客戶評語

Monique
5
精選評語
服務 / 婚宴日期: 2020.09.27
我自己偏向比較鍾意韓風,所以去婚展個target都係想去韓國影相。我覺得S.A.Wedding比較好嘅地方就係佢有自己嘅酒店同車隊喺韓國,會安心好多,呢個就係我揀佢哋嘅最主要原因☺️ S.A.Wedding喺韓國有好多間唔同嘅studio,我同佢哋講我鍾意啲宮廷啲嘅大氣啲嘅、浮誇少少嘅,二月影唔到...

我自己偏向比較鍾意韓風,所以去婚展個target都係想去韓國影相。我覺得S.A. Wedding比較好嘅地方就係佢有自己嘅酒店同車隊喺韓國,會安心好多,呢個就係我揀佢哋嘅最主要原因

S.A. Wedding喺韓國有好多間唔同嘅studio,我同佢哋講我鍾意啲宮廷啲嘅大氣啲嘅、浮誇少少嘅,二月影唔到外景㗎啦,所以主要都係室內。佢哋俾咗好多sample我睇,會好專業好客觀咁話返比我哋知有啲咩留意有啲咩好同唔好嘅地方👍🏻。佢哋比我嘅感覺好舒服,同我哋好似傾偈咁樣,令到我哋唔會有hard feeling😆

其實我今次去韓國影相都好有驚無險嘅,因為我返到香港嘅第二日就封關,所以真係好好彩呀。去到韓國,佢哋都幫我哋安排好晒交通嘅嘢,帶晒我哋去,唔使自己再諗,好安心咁跟住佢哋就得😇

我覺得化妝師非常之好,可能因為我眼紋深,去到韓國化妝我先真係明白人哋講嘅星級化妝同韓妝好勁,佢唔係化咗好多嘢係我隻眼,但係出嚟嘅效果好sharp好自然,同埋真係後生,好surprised🤩

拍攝嘅時候,韓國攝影師都好好,我開頭都會擔心翻譯溝通會唔會有問題,但係之後拍攝完成我覺得真係唔需要擔心,我同個翻譯講我想點嘅時候佢就會同攝影師溝通,同埋佢會係咁搞氣氛,引導我去影相。又好細心,影相嗰陣好凍,佢哋會即刻比件外套我,真係好sweet🥰,之後又幫我哋拎呢樣拎嗰樣。我啲頭髮跌咗落嚟,佢都即刻衝過嚟幫我整返,成個團隊真係好用心啊。

我好surprised,佢哋比我想像中好,好人性化。仲有一樣我覺得好嘅地方係佢哋有個WhatsApp group,佢哋喺拍攝之前、影相同修圖都有人會guide住我,好有心。我影完之後好似兩星期已經收返啲相啦,好快啊😆。香港真係影唔到呢啲感覺,我自己鍾意浮誇啲嘅,揀嘅場景都係比較浮誇啲公主啲嘅,最後嘅成品我好鍾意😍

多謝Monique嘅評語🤩都要感謝你嘅配合及能夠抵受寒冷,先可以拍攝咁靚美好嘅相片😆祝你同先生幸福快樂!