當我煩惱緊揀邊間場地佈置既時候，我既化妝師就推薦左Sole Wedding俾我，因為佢係雜誌上面見到覺得好靚。Sole Wedding既同事俾左好多意見我。佢地知我budget有限但係又有要求，所以就幫我精打細算，某啲位盡量精簡，例如佢地見到我個場地既舞台本身地板設計都唔錯，所以就無幫我整毛毛地毯，慳返啲錢🤭。我想要星星燈，佢地提供到俾我之餘仲唔額外收費，唔會計較🤩。

佢地有好多唔同風格既佈置選擇，同埋會幫我設計，所以唔會一式一樣。同埋佢地服務態度好好，係接洽既過程中我要求有咩修改，佢地都會滿足我。Sole Wedding 唔會好似其他公司咁淨係識叫你加錢，而係會係符合預算既前提下做到最好既效果。成品我覺得好靚，甚至靚過預期😍尤其係花藝既部分，我想要vintage 同散亂啲既設計，出到黎效果好啱我心水😚。Design既時候佢地都好有心機，我考慮緊排花擺係上中下邊個位既時候，設計師就將三個位既效果圖都畫出黎俾我睇，再俾意見我👍🏼。

賓客見到當日既佈置之後都以為價錢好貴，但係其實Sole Wedding既價錢係合理，效果仲好grand添🥰！我仲好欣賞Sole Wedding連細節都兼顧得好好。好多公司雖則包左相簿枱同迎賓枱，但係未必好用心整。但係Sole Wedding就連迎賓枱相簿枱都幫我襯曬theme，好細心同有心思😍。

big day 當日外影完返到酒店同事已經佈置得7788，其中一個同事呀Yan親自跟進，同我睇一次啲佈置，如果我有意見既話佢地仲會即時幫我執漏，跟得好足好有責任感吖👏🏼。