機緣巧合下我見到另一個新娘著過佢地既婚紗，覺得好靚所以記住左。但係當時既我因為未減肥，所以唔敢去試。但係隨住我越減身形越fit ，加埋睇左好多間都唔啱心水，所以最後都係決定去呢間租婚紗。因為佢地本身都係幫人造出show既裙，所以佢地有好多款婚紗都係自己造。我係呢度租左四條裙,媽媽都租左兩條。出面其他鋪頭可能萬零蚊就租到咁多條，但係呢間就要三萬蚊左右。雖然超出預算，但係以佢既質素真係值得呢個價錢。店主吖Sue 自己造裙同埋幫客人試裙，所以佢俾到好完整、全面既意見我，例如佢會建議我陪襯咩造型、襯咩鞋等等，唔會只係租條裙俾我就算。吖Sue真係好用心幫客人，我每次上去都同佢傾好耐、試好耐。佢會好深入咁了解左我既性格、喜好先俾裙我試，唔似其他鋪頭咁淨係俾部IPad 我㩒。雖然Sue提供既裙款唔算多，但係款款都好特別，唔易同出面撞款。因為佢同我地已經熟絡左，所以我俾埋請帖佢，邀請佢黎我婚宴😂😚😚。Big day當日佢全程都好關心我靚唔靚，又幫左我好多🥰。結婚前我好緊張又搵左佢傾計，真係識到一個好好既朋友❤️