我地上網比較過唔同既婚攝公司，參考左其他人對Jason既評價，覺得佢係一個好有心既攝影師，同埋佢既作品都符合我地要求，所以就揀左佢喇。係溝通既過程中，Jason會了解我同另一半既故事，再構思我地既結婚相既主題。我同另一半係中學時候認識，所以佢建議我地採用時間線既形式拍攝。我覺得佢好明白我地既需要，唔會好似其他公司咁影啲一式一樣既相，時間線呢個idea真係好好😬。

Jason好有心思，會幫我地諗埋去邊啲地方影最能夠代表我地既愛情故事。拍攝當日我感覺到Jason Pang Gallery成個攝影團隊包括化妝師同助手都好專業、有豐富經驗，全部同事既表現都好成熟。第一站我地返左去母校影相，Jason揀左我地相識/有深刻回憶既地點拍攝。佢都唔會好似一般攝影師指導我地要點擺pose, 而係以佢既技術去影我地自然既互動，唔洗企定定好生硬咁影。

除左係母校影之外，另外我地都去左中環摩天輪影相，因為個度係我求婚既地方，所以特別有紀念價值。係嗰度影其中一張相既時候，Jason為左效果更加好，所以花左十幾分鐘黎Set機，呢點體現到佢既認真同專業。我地當日感覺好輕鬆，好似玩左一日，而唔係好辛苦咁影左一日相。

助手本身都係攝影師，所以佢對於光線同企位都好清楚同專業。本身package淨係包左30張精修相片，其他相就會執得簡單啲。但係係我地揀相之前，Jason就已經好好咁幫我地精修左三十幾張佢覺得靚既相，但係佢無限制我地一定要揀佢預先精修既相。Jason一啲都唔斤斤計較，主動性好強，會好用心做好件事👏🏼，最後佢精修俾我地既相多過package包既數量。佢真係一個好用心既攝影師呀！😆