我地係網上見到Jason既攝影風格幾自然、幾適合我地，所以就請左佢幫我地影Pre wedding。一開始見面同佢地交談既時候，感覺到Jason佢地態度幾好，會了解我地既喜好同需要然後俾建議。雖然佢地無出租服裝既服務，但係Jason佢地都會係服裝配搭上俾意見我地，建議我地邊套衫搭邊個景點。同埋因為工作既緣故，我地改過影pre wedding 既日期，而Jason都無介意😬

拍攝當日我地都臨時調整左時間，Jason就即刻幫我地調整schedule。當日過程好順暢，攝影團隊亦俾左好多驚喜我地。我地提供左一個大方向俾Jason拍攝，同埋提出我地想影既地點，Jason就實踐我地既諗法出黎。我地睇返啲相覺得佢真係做到我地想要既效果，仲係比預期中好。

印象最深刻既係，我地去到最後一個景點既時候得返5-10分鐘既拍攝時間，但係Jason可以係呢短短幾分鐘內幫我地搵到2、3個景點影相，盡量幫我地影多啲相，睇得出佢好有經驗同埋好用心對待佢既工作。如果我地身邊有朋友需要攝影服務，我地都會推介Jason Pang Gallery俾佢地😆