我地請左E wedding幫我地影pre wedding同big day。Big day個日除左有2p2v之外，仲有航拍。佢地個Sales姐姐一開始好耐心咁同我地介紹，跟住我見到有一輯相係四季酒店影得好靚，而咁啱我又係四季酒店擺酒，所以就指定要用個位攝影師阿White。

所有同事既服務都好專業，我地係澳門影pre wedding既時候見到佢地好落力咁影。我老公唔係點識笑，攝影師都盡力指導我地，做得幾好👍🏼👍🏼👍🏼。不過佢地主力影外地婚攝，所以我覺得香港Studio就還好喇。

Pre wedding既衫都係係E wedding度租，我覺得選擇都幾多，我都upgrade左一件韓國婚紗。Big day既時候佢地由朝影到晚，仲ot埋，佢地真係好落力幫我地影到最好既效果，我啲兄弟姊妹同朋友都大讚影得好😆！我自己都驚嘆點解佢地影到我咁好睇💓！全程佢地都跟得好貼，好認真咁諗辦法幫我地影好啲，感覺唔係求其黎玩一日咁。

睇返啲相，佢地將我影到好似明星咁，但係同時個畫面又好溫馨好有愛😚。其他人睇到都感受到當晚好warm既氣氛。連我租婚紗既鋪頭既老闆都用左我輯相黎做宣傳😝，有介紹左朋友仲指定要阿White幫佢地影相🤣。而且E wedding價錢收得唔貴，性價比好高。成件事都比預期好，呢間公司真係好抵讚🤤！結婚一生人只有一次，我真係好慶幸搵左E Wedding幫我手🥳