我地係婚展搵到E wedding, 佢地好詳細咁解釋左佢地既package俾我地聽，所以就join左佢地濟州島pre wedding同big day攝影既package。因為我地對於拍攝既路線無咩頭緒，所以同E wedding既同事傾左好耐。佢地都好有耐性咁解答我既問題，又會問我想影咩效果。

係韓國嗰陣我地凌晨就開始影相，加上嗰陣已經十一月，所以天氣好涼。同事就好貼心咁俾暖包同暖貼我，真係好warm好似朋友咁，成個團隊都好take care我🥰。我特別滿意Suzuki ，Bicky同阿豪既服務。Bicky負責影pre wedding，佢當日帶我地影左好多個景點，每個景點都好認真咁影，唔係求其影幾張就轉景。佢亦好識得捕捉角度，會影到我最靚個面出黎，所以輯相出黎既效果我地都滿意👍🏼。Suzuki 化妝好自然但係又修飾到我本身個樣，所以之後唔需要大執。Suzuki 都有幫我揀衫，佢會根據我既身型俾建議我。

Big day負責影Video既阿豪都好專業，佢幫我地用航拍，再加埋剪接之後效果好好，夜晚播放嗰陣好多賓客都讚條片拍得好。攝影師阿Max之前已經幫我朋友影過相，所以都有信心。同埋因為我當日係舉辦午宴，所以時間比較緊迫，E wedding既同事事前都有同我地開會傾rundown既安排，當日亦幫我地睇住時間，所以好順利😌。之後攞相係Joey負責，我地心急問佢幾時有得攞，佢都有耐性咁覆我地。啲相執完之後都好自然，唔會過度修圖，整體而言好滿意💓。