呢間嘢真係無得彈。 我剩係租2間衫, 另一間我冇咩評價。 但LaQueen真係要讚。 老細真係好細心, 佢每一個details位都會執, 而且想加啲咩減啲咩, 佢都會改到件衫。佢仲會好仔細比意見, 就算已經夜媽媽, 佢都唔會趕收工咁款, 會不停比意見。我由初初諗住租5, 6件衫(我同老公部份衫, 爸爸媽媽衫), 都因為佢嘅專業同細心, 變咗幾乎所有衫都揀喺佢度租。老細連我老公&爸爸喺出面買嘅恤衫都免費改埋, 改到完全fit佢哋嘅身型, 就係為咗當日件恤衫唔會因為唔啱身而拋咗出嚟。 佢哋借嘅首飾, 我化妝師當日讚咗幾次話啲首飾好靚好高級。化妝師話佢做咗咁耐, 見親啲衫店借嘅首飾都係好老套, 但LaQueen嘅首飾好靚~ 最重要係佢哋租衫其實一啲都唔貴!!!! LaQueen而家搬咗上樓. 唔再喺地舖, 我好希望佢哋生意可以更好~唔會有咩影響~佢哋係好值得推介比多啲人知♥♥