一開始我上網睇，咁啱見到Bespoke Wedding婚享會嘅介紹，又見到佢哋嘅評語，所以認識咗Mayona🥰，初初係因為想搵Pre wedding衫所以搵佢哋，當時搵咗兩三間，後尾揀咗佢哋～🙌🏻 一嚟佢近我屋企好方便，而且我上去嘅時候有designer喺度，服務唔錯，所以揀咗佢哋啲衫影Pre wedding～👍🏻 通常新娘子去到都無乜概念🤨，但佢哋比好多意見我去揀婚紗～ 出面嗰啲好多時都係話：「你自己揀下啦～」無乜貼士比到我，令人覺得好迷惘～🤔 但我上到Mayona嘅時候Designer同Sales Yuki都喺度，俾咗好多意見我，而且會耐心解答我嘅問題～🤩

因為我想婚紗修身啲，但我唔知著咗上去點先叫做靚，加上我以為自己比較細粒係著唔到魚尾，但後尾Mayona職員令我發現原來可以揀高魚尾去試，最終我都有揀到魚尾款～👏🏻 佢哋又會好細心咁幫我諗點樣為Pre Wedding同big day揀唔同嘅款，著完嚟影相後我覺得佢啲cutting真係幾好又啱身💃🏼。

而家疫情好多變數，之前本身4月去峇里影，但當我話要改嘅時候，佢哋都好快去幫我安排所有嘢。後尾改咗去6月影，之後要fitting嘅時候佢哋都好快可以幫我安排到😭❤️！好欣賞佢哋做嘢快手，可以配合到客戶需要，知道你趕時間，都可以調個期俾你～👍🏻 所以我覺得想要比較有彈性嘅安排，又或者對揀婚紗毫無頭緒嘅人，都適合搵佢哋～🥰 而且佢哋好貼心，特登幫我喺某幾條裙整幾粒鈕扣，然後同我講Big Day當日敬酒時條裙可以勾喺後面，等我喺敬酒時行動可以方便啲🥳！佢哋好多呢啲細節位都令我覺得好貼心、好專業！