我開頭覺得佢哋婚紗唔錯，就算我係肥妹仔都可以著到好大方。但係點知裙褂、晚裝就冇乜選擇🙃係未揀之前就話我知包7套，然後問我想要咩，咁我就要1婚紗、2晚裝、1裙褂，老公就1馬褂2西裝。但佢哋晚裝係得S、M碼，我唔啱著。😔我問佢可唔可以晚裝換婚紗，佢就話唔得，要加千幾蚊先可以換😓但係其實佢之前問，我都係大約講我可能會要咩比佢，最後又冇得改，我要另外去婚紗公司再買過😖之後裙褂都唔係特別靚，但因為屋企人要求，就是但啦。佢哋成日都唔覆機，好多甩漏，好多嘢要我問要我提。🤦🏻u200d♀️通常新人去還衫都會封利是，但我地上到去，班staff完全唔理我地，所以連利是都冇比......我之前每一次上到去都係唔同嘅人serve我，所以每次都係唔熟悉我嘅情況同我要嘅嘢😑