一開始我contact佢哋嘅時候，已經覆得好快！我記得應該係Jason Pang老婆負責PR嘅事務，佢回覆嘅速度好快，解釋都好清楚🤓之前contact過其他可能隔好耐先覆，而且又淨係比個價目表我就算😒所以我覺得Jason佢哋嘅主動性會比較高！

而佢哋嘅經驗、質素同價錢都好滿意同合理，出面更貴嘅都未必有咁好！本身自己都好忙同好緊張，但佢哋嘅流程安排、對wedding嘅經驗令我十分放心😉

佢哋好識講吉利說話，哄得我爸爸媽媽好開心，姊妹都覺得佢哋好好，不停讚佢哋🥳

我覺得佢影嘅相比到一種好有愛嘅感覺我💞我淨係想要簡單，唔想擺尷尬pose，佢哋都真係做到我想要自然美嘅要求🙈佢哋拍嘅片同樣質素都好好，之前去其他婚禮睇過有人拍到係好嘈吵好混亂，甚至乎有想飛嘅感覺😂但佢哋唔會！

我同先生都係比較內斂嘅人，佢哋剪嘅片真係恰到好處🤩佢哋效率都幾高，7日後就比咗highlight相我，比我post係facebook，而且全部相都幫我執到好靚！