我先生之前參加朋友嘅婚禮就係用First Love Pictures嘅服務，睇完相片之後覺得好靚🤓後來我地做research嘅時候知道佢地係攝影方面係有攞過獎嘅，所以就即刻問佢地係我地個期有冇位，幫手拍片同影相🤭之前問過唔少公司都話淨係負責影相，拍片要另外聯絡其他公司，但佢地一條龍服務搞掂曬，覺得好方便😎加上我之前係Facebook睇到佢地sample嘅時候，即使我唔識片入面嘅新人都覺得好感動，於是就覺得要揀佢地❣️

我地對於big day嘅嘢完全係一頭霧水，唔知要做咩、準備咩🥺但係啊ron同yoyo之前同我地開會就問我地想要咩風格，又問我地化妝師係邊個、問我地嘅妝同衫係點等等🤔係開會嘅過程中，會feel到係以我地為出發點，聆聽我地嘅愛情故事，想知我地點認識、咩性格，然後去迎合我地嘅喜好💗開會之後仲開whatsapp group，可以保持聯絡。當中佢地send咗一個長list比我地，提醒要帶咩、注意事項、染髮嘅嘢等等😚

我覺得最貼心就莫過於係提我前一晚唔好飲太多水，如果唔係好容易水腫🙈依樣嘢連化妝師都冇提過，再對比pre-wedding間公司就覺得佢哋嘅服務周到好多，貼心好多😬 佢哋好盡力了解我地嘅需求，例如我同先生都鍾意簡單嘅嘢，所以好多時候都係以淨色為主，佢哋就會盡力幫我地諗，從造型、服裝、花球嘅襯色，大大小小都有參與其中，比好多專業意見我地參考👍🏼務求可以影到最靚最自然同最滿意嘅效果。

我地由落訂到big day成個過程都係keep住contact，會一齊傾電話，好多嘢都係一齊商量💭對比我地pre-wedding公司就冇咩溫馨提示，好多嘢都係要我地問先有，First Love Pictures就係所有嘢都唔洗我追，好快就比曬我，對比真係太強烈✨ big day當日好趕，佢地幫我arrange好時間，例如究竟係註冊後影相定係註冊前去studio影半個鐘至九個字🤪甚至連流程都幫我地安排好，準確到lunch time時間、爸爸媽媽幾時到都會幫我地寫低曬😭佢哋係big day前已經咁幫得手，自然成品都好好，睇過video cap都覺得好滿意😍