當初選擇Mayona係覺得服務同款式都幾啱心水🙈上到去覺得環境幾大同舒服，疫情底下佢地都會有相應嘅調動，就係一個時段得一pair新人上去，所以都好安心💗當日係Yuki負責跟我，咁我自己對婚紗禮服冇咩概念，佢好細心地比好多意見，佢會基於我地婚禮嘅場合、流程同我對婚禮嘅期望去作出選擇😚例如第一件係修身款，Yuki就會建議第二件可以選擇唔同花款嘅裙，令到成件事變化多咗🥰Mayona嘅禮服款比較特別，我揀咗一條綢緞質地嘅魚尾裙，係其他公司少見啲，另外有一條係牛仔布藍色嘅禮服，唔會好似平時禮服嘅布料顏色咁，幾有新意🤩係揀魚尾裙嘅時候佢根據我嘅身型揀咗條啱我cutting嘅魚尾裙，我本身唔係高，唔想睇落太矮但又唔想著太高嘅鞋😝佢幫我揀嘅裙正正就滿足到我嘅要求，魚尾裙始終比較蝦人著，但係屋企人睇咗都覺得ok❣️

一開頭我地搵Mayona純粹只係租婚紗禮服嘅，但後來因為我地之前pre-wedding嘅相同攝影師都唔係咁滿意😥經Yuki幫手安排佢哋自己嘅攝影師（原本係full咗嘅，但佢地好好人咁幫我調配時間，所以另一輯pre-wedding相同big day攝影先有著落😭）攝影師叫我地好似平時咁交流同做動作就得，咁所以影出來嘅效果都好自然，唔會只係好生硬咁企係度🤣攝影師會叫我地講下相識同拍拖嘅過程，攞下靈感。我同先生係因為online game認識嘅，所以攝影師就提議我地打住機咁影幾張相，可以呈現返嘅過程之餘我地又真真正正做自己，自然效果就好好😬