首先講下第一次接觸嘅感覺先。我同太太係一個好機緣巧合嘅機會之下去咗佢哋度。一去到就有staff好熱情咁邀請我哋坐低，然後介紹佢哋嘅package，好詳細咁介紹有咩地方選擇、拍攝過程等等，會開公司嘅ig同埋俾sample我哋睇。😉我太太見到佢哋有一輯係香港拍攝嘅相之後就心心眼、好鍾意。😍之後都有稍微compare過其他公司，但係始終都覺得只有佢哋touch到我哋，於是就決定咗～ 然後就係後續meeting，meeting當日攝影師都會問我哋鍾意咩feel、再推介我哋去某幾個地方影相。😁由於我同太太比較喜愛大自然，所以就推介咗大帽山同泥涌。⛰️攝影師當時有再問我哋希望要咩style，但係當時我哋就冇回答，因為唔想攝影師有所規限，希望佢可以發揮自己嘅創意！😆 去到pre-wedding當日，真係覺得佢哋比起「盡責」再做多咗好多extra嘅嘢，佢哋只係想影到一輯大家都滿意嘅相，睇得出好用心機！影咗一陣，我哋就睇相，見到有幾張好啱feel就問攝影師可唔可以跟返大約嘅風格，仲有準備到佢哋公司嘅sample比佢睇。咁啱原來張sample就係出自我地攝影師嘅手，所以佢好清楚我哋想要咩，出黎效果自然好好。🤩我哋唔係影開相，有好多攝影上嘅事都唔知道，所以都係交曬比佢哋處理。儘管當日攝影師好忙，冇辦法兼顧曬所有嘅嘢，但佢有時見到頭髮、衫亂咗都會幫手整，又會同化妝師溝通，叫化妝師都幫我執一執等等。😬 攝影師同佢助手都好貼心，我記得去到外景嘅時候，佢哋去搵合適嘅位置同角度影相。但係佢哋唔會一開始就叫我同太太埋位，而係自己試咗個角度先，兩個商量咗都覺得靚先再叫我地過去。😳成個過程令我印象最深刻就係我準備咗仙女棒做道具諗住影啲火花，但因為大帽山大風，要點著支仙女棒真係好難，我整咗三個字都想放棄，但佢哋都好堅持要幫我地影到。😭攝影師係整咗足足九個字，整到手都損埋，😢真係好佩服同好多謝佢哋咁用心嘅服務！