ABc Flower Workshop令我滿意嘅位係好有交帶，而且效率好高。👍🏼我一開始就決定用佢，冇考慮過其他嘅公司，都證明我係冇揀錯嘅🤣我決定做用藍白色嘅backdrop，咁佢哋都係好快手幫我襯好曬啲顏色，準備埋草圖比我睇。而且都會提供佢其他客人嘅相比我參照，有個實物會令客人更加清楚細節同埋自己想要嘅效果，最後再按照我嘅要求係電腦draft圖比我❣️比到我一種感覺係，佢哋豐富嘅經驗，令到無論佢哋係了解客人需要、顏色敏感度方面都好高，成件事係好smooth。😬係初稿出之後，我覺得綠色嘅元素多咗少少，同佢哋講之後就再修改，佢哋係唔會覺得麻煩，係好樂意幫我嘅。😉我覺得最貼心嘅莫過於係佢會提我backdrop嘅擺放位置。由於我哋係草地搞，一開始就覺得應該擺係一個位就可以全日都係咁，但佢哋就會話因為太陽光線猛唔猛都會影響backdrop嘅效果，所以位置係好重要，甚至可能要換位。🤭真心如果唔係佢哋經驗多同我講，我根本就唔知會咁。