我個婚禮都比較多賓客，所以一開始就target一啲比較闊落嘅場地。本身我已經係screen out咗部分場地諗住再了解，咁後來認識咗龍堡，感覺佢哋嘅空間好 spacious，始終我係由人數因素出發，所以就覺得佢唔錯。🤩其他場地大嘅地方，一係就價錢太貴，龍堡就真係我哋compare 過晒無論地方同價錢都好match所以就揀佢哋喇。😊

除咗啲硬性因素之外仲有啲軟性因素嘅～ 我自己就覺得揀一個好容易溝通同相處嘅酒店對口真係好重要，始終你都要對佢好耐又有好多嘢要問佢。而我哋好好彩遇到阿June！係呢度一定要讚 阿 June，June份人好誠懇，超 responsive 同極有耐性！佢會將所有嘅條款、問題都解答得好詳盡同解釋得好好，特別係佢哋龍堡俾 D offer都係好make sense嘅，唔會覺得曬緊你時間。👍🏼

依家諗返其實成個event真係好抵，首先就係佢樓底好高好大，感覺好舒服；第二就係佢嘅menu比同類型場地價錢係抵好多，而聽賓客嘅feedback 個個都話真係好食。另外佢哋好多嘢都會包埋，又 LED wall，又酒店房，連 Deco 都話包既。雖然 Deco 係送嘅，但當係我哋話另外會自己做 Decoration 既時候，佢哋竟然都會主動 offer 話轉送第二啲嘢俾我哋，送多晚酒店！呢個真係超 impress！因為其實佢唔再送多一間房我哋都唔會知，但係咁老實既商戶確實難得！。

佢哋嘅職員同政策都好flexible，唔會好似其他大公司咁成日用 company policy 話乜都唔得，例如我話想要條樓梯係中間上台又可以，老爺想改條魚又得，至於個LED我就用咗來做virtual backdrop。🙈 雖然當晚上白酒都有少少失誤，但其實都真係影響不大，okay 的。

都係嗰句，搵場地硬件固然重要，但係酒店對口嗰位同事其實更重要，始終搞一個婚禮有好多嘢煩，有一個人可以定時定候提點吓幫手跟吓嘢真係會心定啲，所以最後好多謝 阿 June 幫我哋令成個過程都好 smooth，多謝妳。❤️