要講I-PRIMO嘅話，我個人認為最值得讚嘅係服務態度。👍🏼而除左服務之外，佢哋鋪頭嘅感覺都好舒服，對比普遍金鋪多咗啲現代感，而且望落都好整潔好大間。☺️當初我同未婚夫都係直接walk in去九龍灣分店，行咗冇耐已經有staff問我有咩需要。不過我自己想行個圈睇下款先，所以就無即刻埋去傾，但到後來當我想問嘢嘅時候，佢哋嘅staff都好快有回應，唔會怠慢，而且都講得好詳盡。🗣️

其實我同未婚夫過來係揀對戒，但對於要咩款式都真係好冇所謂，或者應該話係冇咩方向頭緒，而依樣野反而正正係反映到佢哋staff嘅專業。因為個staff會叫我哋各自揀對鍾意嘅款式出來，再分析我哋揀嘅款式有咩特點，用一個逐步篩選嘅方法，等我哋知道大家嘅喜好，慢慢收窄範圍，最後揀到大家都好鍾意嘅戒指。💞 除此之外佢哋會提供唔少專業嘅資訊幫助我哋選擇款式。例如就係可能因為我唔係戴開戒指，所以試戴戒指嘅時候會覺得有嘢un住un住唔舒服，一開頭都唔知點解，係staff話原來越厚嘅戒指就越容易有異物感。咁其他戴開戒指嘅人可能覺得冇咩問題，但我就會選擇舒適感行先，始終都要長戴嘛。😬於是乎我哋最後就揀咗對冇咁厚，簡潔得黎又係暗斜紋嘅款式，仲刻咗字添（印象中好似限定字數內免費包埋）。仲有呢，佢哋會係篩選咗幾隻戒指之後再按我哋鍾意嘅款額外推薦同類型嘅款比我哋，不過就唔係hard sell貴款比我哋，主要都係按我哋preference比多啲選擇我哋睇，好似帶咗個朋友過黎幫眼咁。😙

最後就係佢哋嘅售後服務，雖然我唔記得咗係永久定係十年，但係我記得個staff有講過係全球任何一間I-PRIMO，係唔同地方甚至唔同國家嘅任何一間門市都可以搵佢哋嘅售後服務，仲要係唔需要帶卡，因為佢哋戒指有特別記號，職員一眼就會認到。😳我自己就覺得呢樣真係一個幾方便嘅好處，就算人係日本都可以搵到佢哋幫手，都安心啲。