我去Perfection揀衫之前上網睇資料話梨型身材適合著背心款，於是就衝住背心款去。點知去到嘅時候佢哋嘅staff話我適合吊帶同一字肩，唔適合背心。但係佢哋都好肯比我試，試完我就心息啦。😂佢哋雖然有規定可以試幾多件，但佢哋嘅staff全程都會幫你選擇。佢哋話如果無限試反而會令我迷失，唔知自己要咩。聽佢哋咁講我又真係會集中精神諗究竟咩適合我。我試衫嘅時候佢哋嘅staff會輪流過來幫手，真係全部都好nice😳

我老公嘅西裝都有好多選擇，不過係佢自己冇咩要求姐，有新潮款有韓式款，會比較帖服修身。我哋啲衫係多到要抽幾件去pre wedding用。🥰就連4大長老嘅衫都係佢哋度揀，除咗有優惠之外，一次過攞一次過還都好方便。

我就覺得佢哋冇一個好特定嘅風格，不過對我來講反而係適合嘅，我之前睇過間好復古嘅，唔啱就真係冇得選擇、唔會考慮㗎啦。🤫 佢哋試衫嘅位置好闊落，每次去都入唔同房，而且唔會迫夾。我同先生都可以一齊試衫添，不過係冷氣比較凍，唔知有無得較。😂

佢哋果度仲有花球賣，而且花球都好多選擇，令我surprise嘅係可以加入我鍾意嘅多肉植物係真花球度。😍 攝影師當日會講好多吉利說話，做埋大妗姐果份添。化妝師都好高質，我媽咪淨係化一次妝都可以hold到全日。👍🏼佢哋嘅地理位置好方便，係太子果邊，明明佢哋咁好，又咁方便，可以做多啲宣傳等其他人認識就好啦。😙