我聽身邊朋友對S.A. Wedding嘅評價都好正面，話佢哋室內studio好靚，聯絡客人、回覆方面好出色，會主動提醒新人有咩要特別注意，所以我都好放心交自己嘅pre wedding比佢哋～😇

上佢哋鋪頭揀衫，婚紗款式多係基本啦～我自己就要咗1條aline、1條classic背心裙同埋1條紅色晚裝，我未婚夫係另一間舖頭訂造禮服所以冇用到佢哋package入面嘅西裝。其實我當初已經有啲心水要揀咩款，不過都會問下佢哋同事意見，例如係唔想屁股顯得咁大可以試咩裙、自己carry唔carry到aline裙等等。佢哋同事全程好有耐性，唔會嫌棄我試得多。 😎佢哋個地方唔算大，如果同時有幾pair新人係度可能都唔係好方便，如果可以大返少少就好啦。🙈

化妝師Christine和藹可親，細心到會分析我面型適合咩髮型，會根據我嘅裙set適合我嘅髮型，又會提我敷mask等等。妝容好清新自然，修飾輪廓之餘都可以突出優點。💁🏻u200d♀️

佢哋嘅場景唔算好大，但係一個area可以有4-5個景都好夠用，我自己特別鍾意佢哋著曬燈嘅牆。 除咗室內，我哋都有去獅子會影外景。就算2個攝影師同助手揹住好多攝影器材，化妝師又攞好多嘢，佢哋都好主動幫我手。攝影師全程都指導我擺pose，去到後來天氣太熱我同未婚夫都已經笑到僵曬，但見到佢哋影到滴曬汗都鼓勵我哋繼續影，我哋都真係要加下油啦。😝我本身真係冇expect過原來太陽光嘅作用、效果係咁好，啲有光影嘅相嘅氛圍感正到暈。☀️

對於我來講一間好嘅婚攝公司就係要同顧客有良好溝通，對客人嘅問題上心而且要盡快回覆，第二就係要列明所有附加費唔好join完package先講，第三就係唔可以hard sell。以上三項S.A. Wedding完全可以做到，係我心目中真係一間好好嘅公司。😆